साहित्य सङ्ग्रहालय

~खोलाघरे साहिँलो~

आइतमानले सिमेन्टीको बोरामा थपक्क नाम्लो लगायो । फेदाङ्वाको सिमेन्टी अघि मात्रै साहुकोबाट ल्याएर बिसाएको थियो । भारी बोकेर उठ्न लाग्दा उसलाई अघि ल्याउँदाखेरीको भन्दा गह्रौँ लाग्यो । बल लगाएर तान्यो । उसकी श्रीमतीले भर्खरै मात्रै उसलाई एक डबका जाँड छानिदिएर सुँगुरलाई चारो खोज्न निस्केकी थिई । आजैदेखि उसका छोराछोरी पनि पढ्न स्कुल गईसकेका थिए । विद्रोहीहरूले शैक्षिक हड्ताल गरिदिएका थिए हिजोसम्म । आजदेखि सबैतिर खुल्ने हल्ला छरिएपछि सबै स्कुले केटाकेटी स्कुल गएका थिए । अहिले आइतमानलाई गह्रौँ भारी यसो घचेडी दिनेसम्म कोही भएन । Continue reading →