साहित्य सङ्ग्रहालय

~अनलराज भट्टराई~

मुन्ना एउटा असाधारण कुकुर हो। मुन्ना कुन जातको कुकुर हो मेरो घरमा कसरी आयो भन्ने बारेमा रोचक कहानी छ। आज भन्दा एक दसक अर्थात कुकुरहरुको जुनीको लागि एक जुग अगाडिको कुरा हो। मेरो छोराले घरमा कुकुर पाल्ने रहर गर्‍यो। मेरो घर अगाडि काठमाडौंमै प्रसिद्ध माउण्ट एभरेस्ट केनल क्लब छ। उक्त क्लब मेरो बाल्यकालको मित्र सुरेश शाहले सञ्चालन गरेका हुनाले उसैकहाँबाट एउटा कुकुर किन्ने विचार गरेँ। साँझको पाँच बज्दै थियो, त्यतिनैखेर मेरो अर्को मित्र अनिल ढुड्गेल फ़ोन आयो। उस्ले भन्योः म केहीबेरमा तँकहाँ आइपुग्छु। सँगै एक एक पेग लगाऔँ।

अनिल र म आजभन्दा करिब पच्चीस वर्ष पहिले दिल्लीमा सँगै बस्थ्यौँ। ऊ ज्यादै रसिक र सालिन स्वभावको। ऊ मस्तसँग जीवन बिताउन चाहन्छ। खुल्ला हाँस्ने, अरुलाई हँसाउन र एक दुई टुक्का जोक, एक दुई पेग हुस्की, त्यस पछिको पान, पान भित्र पराग, मिठो बोली। बाँकी केके कुन्नी। Continue reading →