साहित्य सङ्ग्रहालय

~सफल घिमिरे~

युवा
रुकुममा वर्ल्ड ट्रेड सेन्टर, हुम्लामा आइफल टावर बनाइन्छ,
जाजरकोटमा स्पेस स्टेसन, अनि जुम्लामा ओसन पार्क खुलाइन्छ,
नसोच्नुस् यी सब कुरा सपनामा मात्र पाइन्छ,
यिनलाई विपना बनाउन सिंहदरबारमा युवा चाहिन्छ ।
-पोखरा, २०६४
(श्रोत :- Safal’s Blog )

राष्ट्रिय गान
महलभित्र प्रपन्चको जाल रच्न पाइन्न राजन्,
अत्तिविधी बढ्दा हाम्ले मुखमा पट्टी लाइन्न राजन्,
रानो बन्न कर्मीको’नी पाउनु पर्छ समर्थन,
तिमीलाई शीरमा राखी देशको गीत गाइन्न राजन् ।
-लालिगुराँस क्रान्ति,०६२/०६३
(श्रोत :- Safal’s Blog )

म नेपाल
मित्र छर्-छिमेक एक अनेक सबैको दास भएको छु,
हाँस्छन् दुनियाँ सबको म उपहास भएको छु,
कस्तो दरिद्रता कठै जिन्दगीको !
बीच सडकमा फ्याँकिएको दुर्गन्धित लास भएको छु ।
(श्रोत :- Safal’s Blog )

देउता !!!
नयाँ रिवाज, नयाँ विधान थाल्नु पर्छ नेपाली हो !
सुन्दर वनको विष वृक्ष ढाल्नु पर्छ नेपाली हो !
ईश्वरीय बिल्ला भिरी असुर राज्य गर्छ भने,
देउतालाई’नि मन्दिरबाटै फाल्नु पर्छ नेपाली हो !
(श्रोत :- Safal’s Blog )

परिस्थिती
खुसी के भन्नु, नयाँ त्रास आउन बेर छैन,<
हाँसो चुट्टिएर बीचमै अट्टहास आउन बेर छैन,
बेइमानी जालीकै हालिमुहाली सहने भने अब नेपाली हो,
दुई चार दिनमै लोकतन्त्रको लास आउन बेर छैन ।
(श्रोत :- Safal’s Blog)