साहित्य सङ्ग्रहालय

~राप्रउ पोखरेल~

लेखक जगदीश घिमिरे आफ्नो वहुचर्चित पुस्तक अन्तर्मनको यात्रामा लेख्छन्- “लामो रोग उपचारको क्रममा म नौ महिना ब्याङ्कक बसें । यस अवधिमा दुर्गा धेरैजसो मसँग रहिन् ।” दुर्गा धेरैवटा संस्थाहरूमा अति व्यस्त थिइन् । उनी भन्न सक्थिन् – “तिमी पो विरामी भयौ, मेरो करिअर छ, मेरो आफ्नै जीवन छ र आकाङ्क्षाहरू छन् । के म पनि तिम्रो रोग सँगसँगै सती जाऔं ?” तर तेसो गरिनन् । उनले मेरो स्वास्थ्यलाई प्राथमिकता दिइन् । पत्नी दुर्गाले पतिमाथि दर्शाएको त्यो सेवा र समर्पणको भाव देखेर जगदीश अभिभूत बन्छन् ।

पाँच छ वर्षअघि अति आधुनिक सभ्यतामा हुर्केका केही नारीहरूले विवाहको बन्धनलाई अस्वीकार गर्दै आफ्नो स्वच्छन्द (यौनजीवनसमेत) जीवन जिउन पाउनु पर्छ भन्ने माग चरित्रहीन चेली का नामबाट खुला रूपमा उठाएका थिए । दुवैप्रसङ्ग फरक फरक पृष्ठभूमिका हुन् तर ती दुवैमा पाश्चात्य सोचको जीवनशैली झल्किन्छ । एक शताब्दी जसो अघि नर्वेका हेनरिक इब्सन (ई १८२८ – १९०६) ले ‘पुतलीको घर’ नाटक लेखेका थिए । Continue reading →