साहित्य सङ्ग्रहालय

~टेकब कोइराला~

रेल आज पनि खचाखच भरिएको छ। जनकपुर–जयनगर रेल सेवा। नेपालको पहिलो र एकमात्र रेल सेवा। यसले बेग्लै किसिमको इतिहास रचिसकेको छ। जुगौंदेखि जनकपुर–जयनगर हजारौं लाखौंपटक ओहोरदोहोर गरेर आफैमा कीर्तिमानी काम गरेको मात्र होइन, यसको अनेकन गुणहरु छन्। यात्रुहरुको सुविधाका लागि गुड्दागुड्दै पनि ओर्लेर ‘पाँचमिनेट’ गरेर फेरि चढ्न सकिने गरी रफ्तारलाई नियमन गरिदिन्छ। शिशा–पर्दा खोल्ने र बन्द गर्ने झण्झट छैन। चारैतर्फ खुल्ला भएकोले हावा सजिलोसंग ‘पास’ हुन्छ। वर्षामा पानी पनि ‘पास’ हुन्छ। टाढैदेखि सजिलै चिन्नको लागि डिब्बाको बोक्राभरि अमूर्त चित्रहरु पोतिएका छन्। चित्रकारहरु तिनै यात्रुहरु हुन्। जसले पान थुकेर, सिँगान पुछेर, उल्टी लत्पत्याएर, नास्ता खाइसकेपछि हात त्यहीं भित्तामा पुछपाछ गरेर आदि अनेक तरिकाबाट श्रमदान गरेकै छन्। रंग लगाउने खर्च जोगाइदिएकै छन्। Continue reading →