साहित्य सङ्ग्रहालय

~जगदीश घिमिरे~

साने यो गाउँको औसत जन हो । अरूजस्तै उसले बाबु मरेपछि भाइबन्डा हुँदा केही धन पायो, केही ऋण । धन जिन्सी पायो, ऋण नगदी । त्यस बाहेक केही सासका धन चौपाया पायो र केही अचल – ढुङ्गा माटाको सम्पत्ति पायो । नगदी ऋणमा तिरेर कहिल्यै नसकिने, साउँको ब्याज र ब्याजको स्याज समेत निचोरेर लिने कडा साहू पायो ।

उसको घर यस गाउँको औसत घर हो । पन्ध्र हात लामो नौ हात गज भएको । खरको छानु । बाहिरी दलान । दलानमा जातो । यो जाँतो प्रत्येक दिन घुमाउन ठूलो भाग्य चाहिन्छ । पालीमा ढिकी । यो ढिकी सधैँ कुटाउन झन ठूलो भाग्य चाहिन्छ । घरपछाडि गोठ । एक हल गोरू । एउटा थारो, एउटा ब्याउने गाई । एउटा पाडी । खोरमा गोडा चारेक बाख्रा – पाठा । सासको धनमा दुइटा पोथी र चल्ला पनि थिए । उसले बाबुको घर – बारी रोज्यो । घर छोडेवापत उसको दाजुले एउटा पाखो बारी बढी पायो । गाउँले दाजुभाइले पञ्चायत गरेर उसलाई र उसको दाजुलाई एक रत्ती पनि घटी नपारेर तिल घोटेर मास फोरेर बाबुको सम्पत्तिको दुई फ्याक अंशबन्डा Continue reading →