साहित्य सङ्ग्रहालय

~यकिना अगाध~

दिनहरू असाध्यै रमाइलो थियो । जाडो सकेर फागुनले आफ्नो तातो अनुहार फैलाएको हप्ता दिन पुग्दै थियो । प्राणी र मान्छेहरूमा न्यानोपन बढ्दै थियो । माइगेन पनि फुर्सदमा थिइन् । भखरै एसएलसी सकेर घरमा आएकी थिइन् । बस्तुभाउ लिएर मरिन खोलाको काँसे बगरे मैदानमा आफूभन्दा साना उमेरका भाइ बहिनीहरू सँगसँगै गोठाला जान्थिन् ।

यस्तै रमाइलो गरी केही दिन बित्दै थियो । गोठालोको सूचीमा टुप्लुक्क अर्को नयाँ अनुहार झुल्कियो, माथिल्लो घरको च्याङबा ज्योज्यो । गोठालाको हुलमा च्याङबा ज्योज्यो अरू दौतरी भन्दा एकाध वर्षको दाइ थियो । यसले झन् रौनक थपियो । ऊ मिठो बाँसुरी बजाउँथ्यो अनि नयाँ नयाँ कथा सुनाउन सिपालु थियो । किताब पढ्न खुब मन पर्याउँथ्यो । Continue reading →