Tag Archives: एकु घिमिरे – Eaku Ghimire

~एकु घिमिरे~ खुट्टा बाँधेर भाग भन्छन् जरा उखेल्छन् अनि जाग भन्छन् आफ्नो पिप्सो पिलो हुन्छ ! अरुको घाउलाई दाग भन्छन् ।

~एकु घिमिरे~ भेट्नुहुन्न त्यसलाई भन्छन्,लुकि-लुकी भेट्छन ! निहुरिन छोड्यौं भन्छन्,झुकि-झुकी भेट्छन। टाढा हुँदा बिरोध गर्छन्,नजिक हुँदा पाउ पर्छन ! मर्यदाक्रम बिर्सिएर ढुकि-ढुकी भेट्छन।

~एकु घिमिरे~ बिकास आयो,दौरा-सुरुवाल,चोली हरायो आधुनिकता सँगै हाम्रो बोली हरायो । ट्याक्सी,कार मात्र हैन,टुइनेटर आए प्रविधिको चेपमा परी डोली हरायो।

~एकु घिमिरे~ नाङ्लो भए केलाउँथे डालो के गर्नु र ? साली भए भेट्न आउँथे ,सालो के गर्नु र ?? ‘रातो राम्रो , गुलियो मिठो’ भन्ने उखानै छ सेतो भए पनि हुन्थ्यो , कालो के गर्नु र ??

~एकु घिमिरे~ पसीना आफ्नै गनाइरहेछ आफैँले विरोध जनाइरहेछ । रुढीवादलाई तोड्छु भन्थ्यो ढुङ्गोलाई देवता भनाइरहेछ ।