~मरुभूमि नारायण~
जब चुनाब आउँछ गाउँमा फर्किन्छन् यिनै
जितेर शहर पस्छन् परपर तर्किन्छन् यिनै ।
सोझा जनतालाई बलिको बोको बनाई
घोक्रे स्वरले हामी माथि गर्जिन्छन यिनै ।
यस्तो गर्छु उस्तो गर्छु खोक्नसम्म खोक्ने
समस्या लिई जाँदा उल्टै झर्किन्छन् यिनै ।
भन्दा हुन् म जस्तो नायक छैन यो देशमा
पल–पलमा प्रभु आतङ्कले तर्सिन्छन् यिनै ।
कहिल्यै अभाव भएन यहाँ कुपुत्रै कुपुत्रको
लाम लागि दक्षिणको जन्ती पर्सिन्छन् यिनै ।
गए ढोगे नली खुट्टामा बोकेर आए तनाव
भाका फेरेर हामी माथि बर्सिन्छन् यिनै ।
तनहुँ
(स्रोत : फित्कौली डटकम)
