Tag Archives: रमेश भट्टराई ‘सहृदयी’ – Ramesh Bhattarai ‘Sahridayi’

~रमेश भट्टराई ‘सहृदयी’~ बाहिर स्याल तर भित्र सिंह गर्जन उस्ता–उस्तै यहाँ मखुण्डोमा देउता देख्छु तर दानवीय रुप दुरुस्तै यहाँ रित्तिएको पुख्र्यौली थोत्रो भाँडोको भिखले नपुगेपछि जुर्मुराए बुख्याँचाहरू निरीह रगत चुस्दा–चुस्दै यहाँ

~रमेश भट्टराई ‘सहृदयी’~ विकासे भाषण, स्वार्थी जलप कालोधनले चल्छ राजनीति पाइन, पैसा, पावरले सोझाकै पसिनामा फल्छ राजनीति चुनावमा असम्भव केही हुन्न, सबै जनता चिन्छन् नेताजी जिते बिर्सिन्छन्, हारे कुर्लिन्छन्, प्रतिशोधसँगै जल्छ राजनीति

~रमेश भट्टराई ‘सहृदयी’~ लुछाचुँडी महायुद्ध चलिरन्छ शान्तिको नामले सोझाहरुकै दागबत्ती बलिरन्छ शान्तिको नामले । गाँस टिपी सानो झुप्रो सजाउने स्वप्ना बोक्दा साँचो मान्छे निसानामा ढलिरन्छ शान्तिको नामले ।

~रमेश भट्टराई ‘सहृदयी’~ रक्तनृत्य विरोधी शान्ति दूत बुद्धको हार छ आज हिटलरको रक्त होलीलाई कत्रो सत्कार छ आज पिपले खेतलाई मिलेर सधैं कुलो खन्थे छिमेकीहरू दलित बाहुन्, बाहुन् दलित विरोधी दुई धार छ आज

~रमेश भट्टराई ‘सहृदयी’~ त्यो क्षितिजले प्रेम बोल्छ म कहाँ भेट्न सक्छु एकपछि पीडा अर्को न त म घचेट्न सक्छु जिन्दगी दौड यो भिरको साँघुरो गोरेटोमा लाग्छ ईश्वरीय जाँचमा छु न लखेट्न सक्छु