~रमेश भट्टराई ‘सहृदयी’~
लुछाचुँडी महायुद्ध चलिरन्छ शान्तिको नामले
सोझाहरुकै दागबत्ती बलिरन्छ शान्तिको नामले ।
गाँस टिपी सानो झुप्रो सजाउने स्वप्ना बोक्दा
साँचो मान्छे निसानामा ढलिरन्छ शान्तिको नामले ।
नातावाद, कृपावाद स्वार्थ चुक्ली साझा रोगी
कुर्सीप्रेमी, सत्तामोही जलिरन्छ शान्तिको नामले ।
रुवाएर आमालाई देशप्रेमी मखुण्डोमा
मालिक अँझै निर्धोलाई दलिरन्छ शान्तिको नामले ।
सीमापारि, चितवन माडी, टीकापुर रगत बग्दा
आदर्शको बुद्ध वाणी गलिरन्छ शान्तिको नामले ।।
रमेश भट्टराई ‘सहृदयी’
