Tag Archives: धनराज गिरी – Dhanraj Giri

~धनराज गिरी~ बारुद र गोली भयो मानिसको भाषा देखिएन कतै पनि यौटा झिनो आशा आयो मृत्यु खेलाडी भै शान्त मैदानमा प्राणै हर्ने खेलखेल्दै फ्याँकेको छ पासा

~धनराज गिरी~ अभागी यो अयोध्यामा जन्मिएनन् राम सधैँभरि अन्धकार उदाएनन् घाम रमाउँछन् शुक्राचार्य एक्लो बृहस्पति ब्ानिसक्यो देवभूमि दानवको गाम

~धनराज गिरी~ ढल्दैन यो स्वाभिमान कसै गरे पनि छातीमाथि देवेन्द्रको बज्रै परे पनि भन्ने गर्थे बुढापाका हित हुने कुरा मर्नुहुन्न मानवता जे-जे मरे पनि

~धनराज गिरी~ के भो के भो हिजोसम्म जिल्ल परे मान्छे छैन गीत छैन साज जिल्ल परे मान्छे बन्छौ हामी ढुकुरझैं कैले परेवाझैं उतिखेरै बन्छौ बाज जिल्ल परे मान्छे

~धनराज गिरी~ स्वाभिमान जिन्दावाद, नारा जिन्दगीको यही मेरो कमाइ हो सारा जिन्दगीको गगन यही, सूर्य यही, चन्द्र पनि यही बनेको छ स्वाभिमान तारा जिन्दगीको

~धनराज गिरी~ अभागी यो अयोध्यामा जन्मिएनन् राम सधैँभरि अन्धकार उदाएनन् घाम रमाउँछन् शुक्राचार्य एक्लो बृहस्पति बनिसक्यो देवभूमि दानवको गाम

~धनराज गिरी~ बन्न पुग्यो ‘मधुपर्क’ मित साहित्यको जानेको छ गर्न यसले हित साहित्यको । सिपालु छ पैँचो लिन कण्ठ कोइलीको हाली भाका गाउने गर्छ गीत साहित्यको ।