Category Archives: गजल

~कमल प्रकाश पौडेल ~ तिम्रै लागि भनेपनि, उल्टोपाल्टो सोच्यौ आँसुु त्यै वाणीको प्रत्युत्तरमा, तिखो वाणले घोच्यौ आँसु ।। मैले लुट्नु के नै थ्यो र, मीठो बोल्न धक मान्यौ सङ्कुचित छैनौ ठाने, तर जेलमा कोच्यौ आँसु ।।

~कमल प्रकाश पौडेल ~ तिमीलाई विर्सिएर, सम्झिनु नै कस्लाई छ र ? सारा जीवन जवानी, आजन्म नि तिम्रै भर ।। सुनैसुनको महल् बन्छ, तिम्रो मनमा बस्दाखेरि झुपडी नै किन नहोस्, छाउने होस् न सुकेको खर ।।

~कमल प्रकाश पौडेल ~ गरीवको खेतबारीमा, अन्नदाना फलेकै राम्रो तिमी मण्डलेलाई बेच्न, बेसारमा पिठो मलेकै राम्रो ।। जनतामारा सरकार आउँछ, फेरि तिमी गएपनि त्यसैले त हाम्रो निम्ति, जनादेश चलेकै राम्रो ।।

~कमल प्रकाश पौडेल ~ माया रोप्न भनी थालें, डढेलोको बाली लाग्यो तिमीसँग भेट्न खोज्दा, काँडेतारको जाली लाग्यो ।। साह्रै निष्ठुरी पो रैछौ, एक् झल्को नि देखिइनौ खै कसरी बोलेकी हौ, चर्काे डाँको गाली लाग्यो ।।