~धनराज सिलवाल~
सुन मलाई नेता बन्नु छैन
आफ्नो प्रतिभा भत्काउनु छैन।
नेता बन्न त फटाहा बन्नु पर्छ
निकम्बा बनि पिडा दिनु छैन।
मत खाएर गरीब जनताको
तिनीहरूकै समाई टुप्पी रिगाउनु छैन।
गुण्डा र भरौटेको नाईके बनी
अमानवीय कर्म मलाई गर्नु छैन।
बोल्नु पर्छ झुठो गर्नु पर्छ अधर्म
यस्तो नीच कर्म मलाई गर्नु छैन।
म त असल नागरीक बन्न चाहन्छु
अमृतको भाँडोमा विष मिलाउनु छैन।
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
