~रामकुमार पाँडे~
बोका हरायो, बोका हरायो
मेरो पार्टीको बोका हरायो ।
कतै बोकालाई बन्चरो प-यो कि (?)
कतै बोका मातृसंस्था झ-यो कि (?)
भरखरै मन्त्री झैँ कराउँदै थियो
खोरको सिंहसँग डराउँदै थियो ।
कतै बोका ठुलै कम्पाउण्डमा पस्यो कि ?
कतै बोका घरकै खोरमा बस्यो कि ?
कतै बोका मालिक खोज्दै गयो कि ?
कतै बोका मालको हाकिम भयो कि ?
अथवा बोका सात समुद्र पार त पुगेन ?
अथवा बोका हवाइ भरिया त बनेन ?
अथवा कुनै पार्टीले खसी पा-यो कि ?
अथवा कसैले बन मास्ने बंगारा झा-यो कि ?
भरखर यतै थियो बगैँचामा बोका हरायो
कतै आफै हराउने डरले बाबुसाहेब करायो ।
बोका हरायो, बोका हरायो
मेरो पार्टीको बोका हरायो ।
पाँडे पुराण (ललितपूर, णेपाल)
