~राजेन्द्र समन~
तिम्रो पर्खाईको मैले कदर गर्नै पर्छ
म त बिदेशिए, भासिएं, यहि रमाएं
तर तिमी बीना थकान पर्खिरह्यौ
म आउने बाटो तिमी हेरिरह्यौं
तिम्रो महानताको मैले कदर गर्नै पर्छ
अनेक बहानामा मैले तिमीलाई बिर्सिने प्रयास गरिरहेछु
तर तिमी मलाई बिचलित नभई सम्भिmरह्यौ
म आउने बाटो तिमी पर्खिरह्यौ
तिम्रो सहनताको मैले कदर गर्नै पर्छ
धेरैले गोली चलाए त्रि्रो छातीमा
बारुद र बम पड्काए ति म्रो छातीमा
तर तिमी मलाई निरन्तर पर्खिरह्यौ
म आउने बाटो तिमी हेरिरह्यौ
शान्ति पनि बिदेशियो
विकास पनि बिदेशियौ
तर तिमी बाध्य त्यहि बसिरह्यौ
मलाई दुःख छ मैले केहि गर्न सकिन
तैपनि तिमी मलाई पर्खिरह्यौ
म आउने बाटो तिमी हेरिरह्यौ
सम्मान पनि मारिए
संस्कृती पनि अपहरित भए
तिमी बाध्य छौ टुलुटुलु हेरिरहनु परकेा छ
पानीको सट्टा रगतले नुहाउनु परेको छ
तैपनि तिमी मलाई पर्खिरहेछौ
म आउने बाटो तिमी हेरिरहेछौ ।
samanrajendra@yahoo.com
राजेन्द्र समन
मेरिल्याण्ड, डिसेम्बर २४
