~बिभोर बराल~
सहरको भीडमा पनि एक्लै भएँ म
छेउमै छ सागर तर प्यासै रहेँ म
अरुको बारेमा सोच्न कसलाई फुर्सत यहाँ
खाटा परेका घाउहरु कोट्याउँदै बसेँ म
यादहरुले जन्ती नै लिएर आएछन्
यिनै त हुन् आफ्ना, यिनकै पछि गएँ म
थाहा छ सहर तैँले धेरैलाई चपाइसकिस् !
तैँले थापेको जालमा आज परेँ म
ओठमा सँधै हाँसो देखे पनि ‘विभोर’ !
पीडाको ज्वालाले भित्र-भित्रै जलेँ म
Bibhor Baral ,
Tangal, Kathmandu, Nepal
(स्रोत: तन्नेरी डट कम – Issue 13 – Paush, 2062)
