~अज्ञात~
लय : राष्ट्रिय गीत
सयौँ खाले नेता हामी एउटै पद सभासद
देश बेच्छौ पेट पाल्छौं अनि बन्छौं गद्गद
प्रकृतिका कोटिकोटी पापिष्टका नायक
नाङ्गो नाच देखाउने लोकतन्त्रका गायक
ज्ञानशून्य शान्ति शून्य महिषासुरका सन्तान
लाउन हुन्न खान हुन्न किन चाहियो विधान ??
जे गरे नि चुपै बस्ने जनता छन् कमाल
हाम्ले चुसी खोक्रो भाको जय जय नेपाल ।
यस रचनाका रचनाकारको बारेमा तपाईंलाई थाहाभए कृपया Kritisangraha@gmail.com मा सूचित गरेर हामीलाई मद्दत गर्नुहोला । धन्यवाद !
– साहित्य सङ्ग्रहालय
(स्रोत : फित्कौली डट कम)
