~अनुपम ‘नवोदित’~
बालुवा पेलेर तेल, आउँछ कि ? सरकार
वाक्पटुताले त रेल, आउँछ कि ? सरकार
भेदभाव छुवाछूत, सबै ज्यूं का त्यूं छन्
यो नफाली अब मेल, आउँछ कि ? सरकार
दूवो जस्तै भ्रस्टाचारी, मौलाको छ देशमा
यस्तालाई राख्ने जेल, आउँछ कि ? सरकार
शकुनीको पासा जस्तै, जालझेल छन् यहाँ
त्यस्तालाई जीत्ने खेल, आउँछ कि ? सरकार
गणतन्त्र संघीयता, आयो भन्छन देशमा
समृद्धि र विकासको भेल, आउँछ कि ? सरकार
-१७ मार्च, २०१८,
कालिन्चोक गाउँ पालिका,
लापिलाङ दोलखा
हाल – पराईभूमी ।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
