~लता शर्मा~
युएस विमान आयो, दुई फन्को लगाउँदै ।
खरानी भो जीवन भुईँ टेक्न नपाउँदै ।
ढाकाबाट उडेको थ्यो, युएस बङ्गाल विमान ।
दुईहजार चहत्तर साल, फागुन बाह्रका दिन ।
कोहीका थिए छोरा छोरी, कोहीका प्यारा प्यारी ।
आउँछन् भन्दै बसेका थिए, सबै बाटो कुरी ।
युएस विमान आयो दुई फन्को लगाउँदै ।
खरानी भो जीवन भुईँ टेक्न नपाउँदै ।।
एकत्तरमा एकाउन्नको, भयो स्वर्ग बास ।
एयपोर्टमा आफन्तको, चल्यो रुवाबास ।
कुनै बाँचे झ्याल फुटाई, कुनै उछिट्टिएर ।
एक्काइस घाइते अस्पतालमा, चल्यो उपचार ।
युएस विमान आयो, दुई फन्को लगाउँदै ।
खरानी भो जीवन भुईँ टेक्न नपाउँदै ।
शरीर डढ्यो लास भयो, हँश उडी गयो ।
आफन्तको चीत्कारले एयरपोर्ट, गुन्जी रह्यो ।
न मलामी नत दाउरा, नत सलाई काँटी ।
दैव तैँले चिता लाइस्, धरतीको माथि ।
युएस विमान आयो, दुई फन्को लगाउँदै ।
खरानी भो जीवन भुईँ टेक्न नपाउँदै ।
डाक्टर पाइलट रोजी लग्योे, यमराजले पनि ।
भगवानले भन्ने खै, नलगि जाऊ भनी ।
धरती रोयो आकाश रोयो, सारा देशै रोयो ।
आउँछन् भन्ने आशै आशमा, जीवन अन्त्य भयो ।
युएस विमान आयो, दुई फन्को लगाउँदै ।
खरानी भो जीवन भुईँ टेक्न नपाउँदै ।
(सन्दर्भ : युएस बङ्गला विमान दुर्घटना)
–लता शर्मा,
नेपालगञ्ज, बाँके
(लेखिका शर्मा सामाजिक कार्यकर्ता र सामाजिक अभियन्ताको रूपमा विगत २० वर्षदेखि नेपालगञ्जमा क्रियाशील हुनुहुन्छ ।)
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
मन छुने खालको एकदमै मार्मिक गीत ।
एकदमै मार्मिक गीत रहेछ, मलाई मन पर्यो ।