~निशा चौधरी~
परिवर्तन सँसार सँगै रमाउन र हाँस्न सिक
मस्तिष्कमा ज्ञानको माला लाउन र गाँस्न सिक ।
शत्रु र दुश्मनहरुले बेरीएको समाजमा
सुरक्षित साथ हिँड्न र बाँच्न सिक ।
कलाले भरिएको कोइली जस्तो गला तिम्रो
सुरिलो भाकामा गीत गाउन र नाच्न सिक ।
मरिमेटी कति घोट्छौ कोमल हातका नङग्राहरु
अलिकति लक्ष्यहरु बचाउन र साँच्न सिक ।
सत्यकुरा गाउँघरका नपचाउने मूर्खलाई
दोबाटोमै आधा जीउ बङ्ग्याउन र भाँच्न सिक ।
निशा चौधरी
नयाँगाउँ ४ बर्दिया
हाल :– कीर्तिपुर , काठमण्डौ
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
