~कुमार काफ्ले~
-उनी धनी ह्यान्डसम श्रीमानको साथ सपिङमल घुम्न गएकी छिन्।
-मन लागेको कुरा किनेकी छिन्, खाएकी छिन्।
-त्यसपछि पोखरा,लुम्बिनी र सौरहा घुम्न निस्केकि छिन्।
-श्रीमानसँग अँगालो मारेर मुस्कुराउँदै सेल्फी खिचेकी छिन्,जिस्केकी छिन्।
-लङ टुरका लागि स्वीट्जरल्यान्ड जाने कि पेरिस जाने भनेर सल्लाह गर्दैछिन्।
-अचानक आएको मान्छेको कर्कश आवाजले उनलाई डिस्टर्व गरेको छ र उनी हल्ला नगर्न आदेश दिइरहेकी छिन्।
-“के भयो सपना”भनेर उनका श्रीमान यथार्थले बोलाएपछि उनी झल्यास्स ब्युझिन्छिन्।
-ब्युझदाँ उनको अगाडि यथार्थ उभिइरहेको थियोे, रिसाएको घरभेटी डेराभाडा मागिरहेको थियोे भने सानी छोरी ममी भोक लाग्यो भनेर रोइरहेकी थिइन्।
– ओखलढुंगा।
(स्रोत : रचनाकारको ब्लगबाट सभार)
