~दिपेन घिसिङ्~
फेसबुक भन्छ
तर फेसको रङ्ग नै देखिँदैन।
नक्कली फेसको रङ्गमा झुम्छन्
तर मनबुकसम्म पस्छन्।
मित्रताको खाँट्टी सिपाही हुँ भन्छन्
युद्ध गर्नै जाँदैनन्
यति हो
लुकामारी खिलिबस्छन् मनग्गे
फेसबुकको जङ्गलमा।
भावनाको उत्कट इच्छा
कल्पनाको रङ्गले लिपेर
फ्याँक्छन्,
नलाग्दा, फेरि फ्याँक्छन्
फेबिकलको एक चोइटा टाँसिन्छ मनबुकमा।
परिक्रमामा संसार जितेर आएका फेसहरू
नियास्रो रुपको बादल फटाएर
थरी-थरीको
चकमक भिरेका छन् अङ्ग-अङ्गमा ।
सोधे
भन्छन्
सीता होइन, द्रोपती हुँ
तर ई-जेनेरेसनको।
फेरि भन्छन्
महाभारतको कथा पनि कहाँ सकिएको छ र ?
(स्रोत : रचनाकारको फेसबुकबाट सभार)
