~रन्जु ‘मार्ग’~
मझेरीमा बस्छिन उनी पिई गहको आसुँ
आउने जानेलाई भन्छिन ,कसरी म बाँचु ?
सखारैमा गाग्री च्यापी ढुङगेधारो झर्छिन
छाँया केही देखिन भने टोलाएर हेर्छिन
भन्छिन सधैं दोबाटोलाई मेरो मान्छे आँउछ
केशभरी माया उन्न ,गुन्केशरी ल्याँउछ !
साँझ पर्दा दीप बाली जोर हात जोड्छिन
विश्वासले केही मागी आफ्नै मनलाई बाँध्छिन
भन्छिन सधैं आँगनलाई मेरो मान्छे आँउछ
स्वागतमा बसिरहनु माया उनी ल्याँउछ !!
(स्रोत : रचनाकारको फेसबुकबाट सभार)
