~दिवाकर स्वप्नील~
संविधान सभा ढल्यो छातीभरि देश दुख्छ ।
नेपालीको स्वप्न जल्यो छातीभरि देश दुख्छ ।
एक चोक्टो शिद्रामा नी बिरालोको सधैँ द्वन्द्व…
आफ्नै बाह्र टक्का चल्यो छातीभरि देश दुख्छ ।
सर्पको त्यो मुखभित्र भ्यागुतोको चाल जस्तो…
गिदी भित्र लिदी फल्यो छातीभरि देश दुख्छ ।
पलाँसका ठूटा थिए फूल सोच्नु भयो भूल…
अग्रगामी दाँत् ले छल्यो छातीभरि देश दुख्छ ।
बुझे हुन्छ अब आफै सिङ जुरो हुन्न कतै…
हात पाउ शीर गल्यो छातीभरि देश दुख्छ ।
चारपाने , झापा ।
swapneeldiwakar@gmail.com
(स्रोत : रचनाकारको ब्लगबाट सभार)
