~गौतम ‘उदय’~
धेरै माया गर्नु हुन्छ, मम्मी अनि ड्याडीले
सधै ज्ञानी बन्नु पर्छ, हामी साना नानीले
नानीहरु भएको, घरै रमाइलो
बनाउँछौं परिवारको, मनै रमाइलो ।
हामीहरु स्कूल जाँदा, मम्मी घरमा बस्नु हुन्छ
भोकाउँदै घर आउँदा, मीठो खाजा तयार हुन्छ
सधैं प्यारी मम्मी देख्दा, मनै रमाइलो
त्यसै माथि ड्याडी थप्दा, सबै रमाइलो ।
काम पर्दा ड्याडीलाई, कताकता जानु हुन्छ
बिदा हुँदा हामीलाई, घुमाउन लानु हुन्छ
परिवार सँगै हुँदा, घरै रमाइलो
शनिबार घुम्न जाँदा, झनै रमाइलो ।
गौतम ‘उदय’
हवाई
(स्रोत : विश्वन्युज डट कम )
