~चट्याङ मास्टर~
गज्जब फेसन आयो यो, टाउको टन्काउने !
आँखा छोपी चश्माले, नाइटो सन्काउने !!
प्यान्ट खस्ला खस्ला छ, कम्मर हल्लेको !
चोली छोटो हो कि यिनको भित्री तन्केको !!
ऐंसेलुदाना नाइटो छ, मनै लोभ्याउने !
गाजलु आँखा छोपेर नाइटो सन्काउने !!
कटीमा त्यो कुँदिएको मणी ऐंसेलु टल्कने !
कलापुञ्ज आहा नाइटो ! सृष्टिको मूल झल्कने !!
कमलको फूलको डोब, दिव्य नाइटो उदाइसक्यो !
साहित्यमा जति रस छन्, नाइटैबाट रसाइसक्यो !!
व्यर्थै गए नयनवाण सब, चस्माको ढाल तेर्सियो !
नाइटोकै तीरले गर्दा, दिलमा आगो दन्कियो !!
(स्रोत : Saptahik – Kantipur)
