~नवीन लामा `सुरेश`~
मलाई गर्ने माया तिम्ले आज अन्तै सार्यौ किन ?
मेरो सामु झार्ने आँशु आज अन्तै झार्यौ किन ?
मेरो माया तिम्रै लागी थियो जुनी भरिलाई
हुन्थे म`त सँधै तयार तिम्रो लागी मर्नलाई//
चोखो हाम्रो नाता थियो आज फाटो पार्यौ किन ?
मेरो सामु झार्ने आँशु आज अन्तै झार्यौ किन ?
जिन्दगीको हरेक पल तिमी सँगै जिउँछु भन्थ्यौ
फाटे पनि हाम्रो साइनो प्रेम गरी सिउँछु भन्थ्यौ//
सँगै खोली तर्छु भनी आज एक्लै तर्यौ किन ?
मेरो सामु झार्ने आँशु आज अन्तै झार्यौ किन ?
माया गर्ने मुटु मेरो छिँया छिँया पार्यौ किन ?
मलाई गर्ने माया तिम्ले आज अन्तै सार्यौ किन ?
नवीन लामा `सुरेश`
पृथ्वीनगर १ झापा नेपाल
(स्रोत : Nabin Lama’s Blog )
