~शेखर ढुङ्गेल~
सम्झौता गर्न खोजे
आगोसित
खोइ त्यो चिसो भएन
सम्झौता गर्न खोजे
नदीसित
खोइ त्यो बग्न छाडेन
सम्झौता गर्न खोजे
पहाडसित
खोइ त्यो झुक्न मानेन
सम्झौता गर्न खोजे
स्वाभिमानसित
खोइ त्यो बिक्न मानेन
सम्झौता गर्न खोजे
आँसुसित
खोइ त्यो झर्न छाडेन
सम्झौता गर्न खोजे
दु:खसित
खोइ त्यो हास्न खोजेन
सम्झौता गर्ने खोजे
स्वार्थसित
खोइ त्यस्ले त्याग गरेन
सम्झोता गर्न खोजे
समयसित
खोइ त्यस्ले रोकिने नामै लेन
अन्तिममा
सम्झौता गर्न खोजे
मृत्युसित
खोइ त्यस्ले कुनै शर्त रोजेन
शेखर ढुँगेल,
सन फ्रांसिस्को, क्यालिफोर्निया
०३-२९-२००९
shekhar1962@gmail.com
(स्रोत : Khasskhass.com )
