~प्रेम वली~
घर बाहिर महादेवलाई देखे पछि
कति हुरुक्क हुन्छन
कति फुरुक्क हुन्छन
तर घर भित्र
श्रीमतीहरु बुरुक्क हुन्छन
के शक्ती रहेछ पार्वतीमा
बिचरा माहादेव थुरुक्क हुन्छन ।
घर बाहिर
महादेवले भने पछि
कति खुरुक्क सुन्छन
कति तुरुरुक्क रुन्छन
तर घर भित्र
श्रीमतीहरु जुरुक्क हुन्छन
के भक्ती रहेछ पार्वतीमा
बिचरा माहादेव लुरुक्क हुन्छन ।
घर बाहिर
महादेवलाई भने पछि
कति डरले पुलुक्क हेर्छन
कति नभनी खुरुक्क टेरछन
तर घर भित्र
श्रीमतीहरु भुलुक्क हुन्छन
के जुक्ती रहेछ पार्वतीमा
बिचरा माहादेव छुलुक्क हुन्छन ।
घर बाहिर
महादेवलाई भेटे पछि
कति मोहित हुन्छन
कति सम्मोहित हुन्छन
कति घायल हुन्छन
तर घर भित्र
श्रीमतीहरु तातो टायल हुन्छन
के युक्ती रहेछ पार्वतीमा
बिचरा माहादेव हायल कायल हुन्छन ।
घर बाहिर
महादेवलाई देखे पछि
कति मुसुक्क हास्छन
कतिले खुसुक्क डाक्छन
तर घर भित्र
श्रीमतीहरु ठुसुक्क हन्छन
के ओखती रहेछ पार्वतीमा
बिचरा माहादेव लुसुक्क हुन्छन ।
(स्रोत : Nepal24hours.com)
