गीत : उनलाई पीर परेको बेलामा

~हरिभक्त कटुवाल~

आँसुले मेरो कसैको पीर पखाल्न सक्दो हो

म रुने थिएँ – आँसुकै एउटा सागर जम्दो हो ।

मलाई लाग्छ त्यो पीर तिम्रो छातीमा म लिऊँ,

सृष्टिको बीच फुलेको फूल अोइलिन नदिऊँ ।

सके त तिमी रोएको बेला म पनि रोइदिन्थेँ

छातीको तिम्रो परेको घाउ आँसुले धोइदिन्थेँ

सृष्टिको बीच फुलेकी तिमी मायालु जुहार,

सम्हार बिना अोइलेछ तिम्रो हँसिलो मुहार ।

(श्रोत:- छात्र प्रभा, वाराणसी वर्ष ६ अंक ४-२०२२)