~कुमार काफ्ले~
-एउटा यस्तो सुन्दर देश थियो जसको बयान गरी साध्य थिएन।
-हीरा झैं टल्कने हिमालको निर्मलताको बयान गरी साध्य थिएन।
-गुराँस फूल्ने पाखाको सुन्दरताको बयान गरी साध्य थिएन।
-धान झुल्ने फाँटको विशालताको बयान गरी साध्य थिएन।
-कलकल बग्ने खोला र छरछर झर्ने छहराको निश्चलताको कुरा गरी साध्य थिएन।
-फूलजस्तै पवित्र,आकाशजस्तै फराकिलो र धरतीजस्तै सहनशील मन र सोच भएका मान्छेहरू बस्थे।
-उनीहरू सहृदयी,परिश्रमी, आत्मविश्वासी, सकरात्मक सोच भएका र लगनशील थिए।
-दुर्भाग्यवस शासनसत्ताको बागडोर सम्हालेका र सम्हाल्न आतुर नेताहरूको मन भने सफा थिएन।
-नेताहरूको कलुषित भावना,स्वार्थीपना र कुटखेलको सजाय भोग्न विवश थिए निर्दोष जनता।
– ओखलढुंगा।
(स्रोत : रचनाकारको ब्लगबाट सभार)
