~ज्ञानेन्द्र स्थापित~
तिमि पाउने सपना देख्नु, मेरो लागि पाप भो
छातीमा मुटु पोल्छ, जिन्दगी एक श्राप भो |
संगै जिउने संगै मर्ने, बाचा धेरै खाए पनि
मलाई छोडी तिमि गयौ, सपना सबै सखाप भो |
सपनामा आउँछौ तिमि, मैले नबोलाए पनि
बिपनामा तिमि हुन्नौ, जिन्दगी अभिशाप भो |
धेरै प्रयास गरें मैले, धेरै पल्ट बुझाए पनि
तिमीले नै नबुझे पछी, बेकारको आलाप भो |
बाँच्न अब रहर छैन, साँस अझै फेरे पनि
तिमि बिना यो जिन्दगी, मात्र करकाप भो |
(स्रोत : रचनाकारको ब्लगबाट सभार)
