Tag Archives: Saroj Anurag

~सरोज अनुराग~ नाङ्गो हुन सर्माउनेलाई रात हुनु पर्छ l डराउनेलाई बेहोशीको मात हुनु पर्छ l तिमीसँग माया गर्ने मुटु कहाँ छ र ? बद्नाम हुन मेरो जस्तो आँट हुनु पर्छ l

~सरोज अनुराग~ त्यो शहरमा शीत पर्ने याम आएको छ l बल्ल तिम्रो ओठमा यो नाम आएको छ l सम्झिँदैछौ आज आफ्नो फाइदाका लागि याद मेरा बाँच्न पक्कै काम आएको छ l

~सरोज अनुराग~ मान्छे मान्छे मात्र हुन्छ सैतान हुँदैन र ? इमान्दार लालसामा बैमान हुँदैन र ? ईश्वरलाई शूलमाथि झुण्ड्याइन्छ यहाँ जाली फटाहा पापीलाई सम्मान हुँदैन र ?

~सरोज अनुराग~ उनी हाँस्नु पर्ने बहाना थिएनन् l कुनै घाउ मेरा ससाना थिएनन् l चल्यो तीर उनको र लाग्यो दिलैमा कहाँ ती नजरमा निशाना थिएनन् !?

~सरोज अनुराग~ जब तिम्रो मन्दिरमा हजार जाप भो । लाग्थ्यो मेरा गल्तीहरू सबै माफ भो । भगवानलाई खुसी पार्न टिपें फूलहरू जानीजानी मबाट यो फेरि पाप भो ।