गजल : उनी हाँस्नु पर्ने बहाना थिएनन्

~सरोज अनुराग~

उनी हाँस्नु पर्ने बहाना थिएनन् l
कुनै घाउ मेरा ससाना थिएनन् l

चल्यो तीर उनको र लाग्यो दिलैमा
कहाँ ती नजरमा निशाना थिएनन् !?

उजाडेछ मेरो बगैँचा कसैले
यहाँ शत्रु पक्कै बिराना थिएनन् l

झ-यो कोपिलामै म बिर्सूँ कसोरी ?
ममा याद उनका पुराना थिएनन् l

उनी बास छोडी हिँडेको छ हल्ला
नशामा सुतेका जमाना थिएनन् l

बहर ए मुतकारिब
29 नोभेम्बर 20।।, इण्डिया l

(स्रोत : Shabdahar )