Tag Archives: Nirmala Awasthi

~निर्मला अवस्थी~ तिम्रो मेरो माया संगै मिसाएर लेखें गजल ह्रदयका पीडाहरु बिसाएर लेखें गजल।। धेरै भयो तिमीलाई नदेख्दा म आँत्तेकी छु तिमी साथ नहुनाले रिसाएर लेखें गजल।।

~निर्मला अवस्थी~ आऊ सबै खेलौं अब एकै ठाउँमा होली पूर्व मेची महाकाली सबको माया घोली ।। यो देश हो हामी सबको फूलबारी साझा टुक्र्याउन हुन्न यसलाइ जोडौं दिल खोली।।

~निर्मला अवस्थी~ इतिहासको पाना भित्र दसी हेर कस्तो हुन्छ वीर शहीद नाम लेख्ने मसी हेर कस्तो हुन्छ। जीवन दान गरी लडे बिर्सी दिए ऐले सबै राजनीतिको फन्दा भित्र फँसी हेर कस्तो हुन्छ।

~निर्मला अवस्थी~ घरी घरी उर्लिरने छाल जस्तो रैछ माया घुमी फिरी त्यही पुग्ने ताल जस्तो रैछ माया।। ह्रदयमा बसेपछी बिर्सिहाल्न गाह्रो हुने जुवाडेको जुवा खेल्ने खाल जस्तो रैछ माया।।

~निर्मला अवस्थी~ सक्दिन म गर्न भनी लुक्नुहुन्न अब नारी अधिकार लिनलाई चुक्नुहुन्न अब नारी।। सिर्जनामा रमाउँछौं पौरखमा जुटिरन्छौं सहयोग माग्दै बाटो ढुक्नुहुन्न अब नारी।।

~निर्मला अवस्थी~ माया गर्छु भन्दा भन्दै किन आँशु झार्‍यौ भन मेरो झुप्रो छोडी किन अर्कै डेरा बार्‍यौ भन।। हिजो सम्म ढकमक फुलिराथ्यो तर आज यो डालीको थुँगा टिपी कुन डालीमा सार्‍यौ भन।।

~निर्मला अवस्थी~ गर्छु धेरै माया भन्थ्यौ आखिर मन मोड्नु रैछ संगै बस्ने बाचा गर्थ्यौ खै त अहिले छोड्नु रैछ।। निसानामा पार्‍यौ मलाई ब्याधा बनी आयौ तिमी मिठो माया जालमा पारी आखिर बन्धन तोड्नु रैछ।।

~निर्मला अवस्थी~ थप्पड खाने डरले नेता छलेर हिड्दैछन् खानेले खाए नपाउने चाही जलेर हिड्दैछन्।। देशको पीर केही छैन तिनलाई लुटेर खानु छ भातको साटो पिउँछन् रक्सी ढलेर हिड्दैछन्।।

~निर्मला अवस्थी~ तिम्रै नजिक आई अब बसिदिन सक्छु थाहै नदिई तिम्रो मनमा पसिदिन सक्छु ।। मलाई छोडी अन्त कतै जान खोज्यौ भने बाहुपासमा तिमीलाई कसिदिन सक्छु ।।

~निर्मला अवस्थी~ हिजो आज गाउँभरी तिम्रै हल्ला सुन्छु के भएर त्यस्तो भयौ मन मनै गुन्छु।। आँखिर गल्ती कस्को थियो भन नढाटी तिम्लाई संझी म पनि एक्लै बसी रुन्छु।।

~निर्मला अवस्थी~ तिमीसंग मैले माया लाको हुँदै होइन चौतारीमा प्रेमको गीत गाको हुदै होइन।। नभएका झुट्टा कुरा फैलाउँछौ तिमी द्यौरालीमा भेट्न पनि आको हुँदै होइन।।

~निर्मला अवस्थी~ बैंशालु त्यो यौवनमा जवानीको मात थियो तिमी एक्लै म नि एक्लै त्यो जुनेली रात थियो।। चकमन्न भएपछि मेरो छेउ आयौ तिमी उस्तै उस्तै दूई आत्माको मिलनको बात थियो।।

~निर्मला अवस्थी~ राख तिम्रो आँखा भित्र नानी बनी बस्छु तिम्रो तिर्खा मेटाउने पानी बनी बस्छु।। कुलतमा तिमीलाई पर्न दिने छैन तिम्रा सबै राम्रा राम्रा बानी बनी बस्छु।।

~निर्मला अवस्थी~ कैले घाम कैले छायाँ यस्तै रैछ जिन्दगानी कैले हुन्छु आगो जस्तै कैले हुन्छु पानी पानी।। सधैभरी जीवनमा आए हुन्थ्यो खुशी मात्रै सोच्छु मात्र तर त्यस्तो कहाँ मिल्थ्थो छानी छानी।।

~निर्मला अवस्थी~ इतिहासमा लेखिएको गाथाको जीत हो नारी सदभाव बनाई राख्ने सबैको हित हो नारी।। धर्तीलाई भिजाएर सिर्जनामा रमाइदिने सृष्टीलाई जोगाई राख्ने एउटा रीत हो नारी।।

~निर्मला अवस्थी~ आज भोली धनमा सबको फल्छ जीन्दगी फल्दा फल्दै कुहिएर गल्छ जीन्दगी।। धनी गरीब जे भएनी भोक उस्तै हो एकै छाक खाए पनि चल्छ जीन्दगी।।

~निर्मला अवस्थी~ तिमीलाई ओत दिने पाली बन्न पाए तिम्रो खाना राखिदिने थाली बन्न पाए।। दु:ख सबै उखेलेर फालिदिने थिएँ हेरचाह गर्ने तिम्रो माली बन्न पाए।।

~निर्मला अवस्थी~ मैले जस्तै तिमीले पनि माया गरे हुन्थ्यो कहिले काहीं साँझपख बेसी झरे हुन्थ्यो।। स्थीर छैन यो मनलाई कति डुलाई राखु त्यो मन पनि बरु अब यतै सरे हुन्थ्यो।।

~निर्मला अवस्थी~ आफै ठूलो हुने बानी छोड्न मन लागोस घात गर्ने अहम् पनि तोड्न मन लागोस।। तेरो मेरो भनी सधै भाग भण्डा गर्ने साघुरो यो मनलाई मोड्न मन लागोस ।।

~निर्मला अवस्थी~ आजभोली साँझ-बिहान राम खोज्दै छु म जीवनको रथ हाँक्ने श्याम खोज्दै छु म।। पाप धर्म के के गरें कता बढी भयो बहीखाता भित्र आफ्नो नाम खोज्दै छु म।।

~निर्मला अवस्थी~ धोती चोलो दौरा सुरुवाल लाको भए आह!! देशकै पहिरन लगाएर गाको भए आहा!।। कति खुशी हुन्थ्यौ मन सबलाई उस्तै देख्दा यो देशको गौरब बढन पाको भए आहा!।।

~निर्मला अवस्थी~ कांग्रेसीको बानी त्यस्तै बसी कुरा काट्ने मात्र काम केही गर्ने होइनन् ठूला भाषण छाँट्ने मात्र।। आफ्नो हुती केही छैन अरुसंग ठ्याक्क मिली कहिले यता कहिले उता एमाले चै चाट्ने मात्र।।

~निर्मला अवस्थी~ धेरै पटक तिमीसंग टाढा भई बसेकी छु तिमीलाई कुर्दा कुर्दै झकाएर खसेकी छु।। यस्तै त हो जीवन सधै साथ कहाँ हुन्छ भन्दै खुशिहरू समेटेर मुटु भित्र कसेकी छु।।