Tag Archives: Ipsul Magar ‘Maya’

~इप्सुल मगर~ रसार्इरह्यो गह अझ आसुँ सुक्दा पनि बोक्नै नसक्ने ब्यथा रै’छ हेर्दा हृदयमा खनि पूर्णिमाको रात मलार्इ वन्दा काल रात्री अव शायद मेरो भाग्यले गर्दा होला मनोमानी

~इप्सुल मगर~ वाझ्न मन लाग्छ कहिले त आफ्नै भाग्य सँग नआउँदा कहिल्यै नी जीवनमा सफलताको उमाङ्ग गरे झैं लाग्छ प्रयास आखिर गरेको पनि त हो नी तर पोतीएकै छैन क्यार निधारमा खुशीको नै रङ्ग

~इप्सुल मगर~ वाह ! आधुनिकताको क्या चाल छ युवाहरुमा खाली कूलत र मायाँ जाल छ रमिता हेर्ने भन्दा रमिता देखाउँने धेरै त्यसैले त प्रत्येक विषयमा हड्ताल छ

~इप्सुल मगर~ नजिक र टाढाको प्रिय के कुरा गरार्इ भो सम्झीनै पर्छ भनेर मैले के अह्रार्इ भो लाग्छ कति वेला हाम्रो मायामा पनि समझदारी कता बसार्इ सरार्इ भो

~इप्सुल मगर~ रानी वनमा कोईली गाउँदा मूनाल नाच्यो अरे जोडी ढुकुर परेवा झैं मायाँ गास्यो अरे सुनगाभाले गुराँससँग सिन्दुरको पैँचो माग्दा गुलाव फूल पनि आज काँढासँगै हास्यो अरे

~इप्सुल मगर~ सहन्छु म लात हजुरको कटु बात नदिनु हल्लाको भरोसामा सात फेराको घात नदिनु स्वार्थी छन् मान्छे यहाँ अनि लोभ डाहा जन्मौ जन्म हजुरकै हुँ म एक्लोपनको साथ नदिनु

~इप्सुल मगर~ जीवन मेरो रोएर बित्यो हाँस्ने रहर नभएर हो की ? निर्धक्क जिन्दगी बाँची रह्यो मर्ने जहर नपाएर हो की ? भैसकेछु हेला म त आफ्नै छाँयाको पनि अचेल खोक्रो आश्वासनको भाषण छाट्न नपाएर हो की ?

~इप्सुल मगर~ ए मेरो हजुर ! ए मेरो प्राण प्रिय प्याला भेट्छु त्यै भट्टीमा लिर्इ महिना भरको ज्याला सधै गर्छु तिम्रै भक्ती तिमी नै हौ मेरो शक्ती जसरी नी पाउछु तिम्लाई ज्यान गए जाला

~इप्सुल मगर~ भूल मेरो के थियो र सजाय यति गाह्रो किन ? पार्यौ मलाई मर्नु भन्दा बाँच्नु यति साह्रो किन ? नयन भरि सजिएकी छ्यौ मात्र तिमी देख्छु भन्थ्यौ आज त्यहि नानी मान्यौ तिमीले यति छारो किन ?

~इप्सुल मगर~ सम्झना गर्दा तिम्रो एकान्तमा टोलाई रा’ छु कल्पना गर्दा तिम्रो विन्ति सुन वोलाई रा’ छु कहिले कहि भेट्दा पनि गाह्रो मान्छौ वोल्न किन सत्य तिम्लाई मायाँ गर्छु भन्न म डरार्इ रा’ छु