Tag Archives: इन्द्रकुमार ‘विकल्प’ – Indra kumar ‘Bikalpa’

~इन्द्रकुमार ‘विकल्प’~ जता गयो उतैतिर खलबल भयो जिन्दगीको लेन—देन गलमल भयो तिमीलाई देख्नु पनि तलबल भयो यताउता कताकता अलमल भयो

~इन्द्रकुमार ‘विकल्प’~ कसैलाई नाम प्यारो कसैलाई राम प्यारो किन—किन हाम्रा नेतालाई भने दाम प्यारो कसैलाई घाम प्यारो कसैलाई गाम प्यारो किन—किन हाम्रा नेतालाई भने साम प्यारो

~इन्द्रकुमार ‘विकल्प’~ मैले सम्झेँ तिमी मेरै नजर्माछ्यौ सधैँ मुस्कुराउने मेरै अधर्माछ्यौ बेकार रै’छ सम्झीसम्झी ज्यान सुकाउनु थाहा छैन अचेल कुन लहर्माछ्यौ

~इन्द्रकुमार ‘विकल्प’~ तिम्रो मेरो बीचको पर्खाल ढाल्न आउँछौ की ? छियाछिया मुटु मेरो टाल्न आउँछौ की ? अँधेरीमा जूनकीरी गिज्याउन थाले धिपधिप बत्ती तिमी बाल्न आउँछौ की ?

~इन्द्रकुमार ‘विकल्प’~ नप्यूँदैमा लागेको यो मात कस्तो तिमी बिना चाहेको यो रात कस्तो टाढा—टाढा धेरै टाढा गयौ टाढा टाढैबाट पसारेको हात कस्तो