Tag Archives: भिम बहादुर थापा – Bhim Bahadur Thapa

~भिम बहादुर थापा~ भनौं भने बोली पासो, डर मलाई ‘कुरो’ को भो नबोलौं त कुरा साँचो, मनको आगो ‘जुरो’ पो भो ** पर्खी बसें मझेरीमा, मौका आउला फुकाउँला यो रात बिती अभ्रख जस्तो, नामर्द नि सुरो पो भो

~भिम बहादुर थापा~ सोझो हुनु अभिसाप भो, कपट कै रजाईं भो मान्छेभित्र मान्छे भेट्ने, मेरो आशा थकाई भो ** सप्रियो कि मान्छे भन्थें, दिलको छुरा ताजै रैछ साँचो नाता पलाउला कि, व्यर्थै मेरो सोधाई भो

~भिम बहादुर थापा~ तिम्रो गुणगान सुन्दा धेरै, आज मुहार हेर्न आएँ धोको मेट्ने माया रोज्दा, खानु गोता फेर्न पाएँ ** मैले सोच्ने सुख मात्रै, के हुन्थ्यो र जिन्दगी यो नौजालभित्र लड्दै बढ्दै, तिम्रो बखान केर्न आएँ

~भिम बहादुर थापा~ सप्रेला केही गम्दागम्दै, यो वर्ष नि घर्केर गो सालभरी सम्भावना, फुल्नै नपाई फर्केर गो ** अभागीमै दर्ता भा’को, छ कि क्या हो मेरो देश त खुल्ला, फुल्ला भन्दाभन्दै, लाउने दिन लर्केर गो

~भिम बहादुर थापा~ बोली तिम्रो बिझ्दा आज, हावासरी डुल्दैछु म अजम्बरी भन्ने माया, दु:खभरी भुल्दैछु म ** बाध्यता यो लेख्नु पर्यो, यथार्थता खोज्छु भन्दा निष्ठुरी त्यो भुल्न छायाँ, घुम्तीभरी घुल्दैछु म

~भिम बहादुर थापा~ वास्ता तिमीले गरिनौ खै, आफै भेट्न आऊँ कि कसो व्यस्तता यो थाँती राखी, एउटा पाईला धाऊँ कि कसो ** साता मात्र हुन्थ्यो कहाँ, महिनौं भईगो पर्खी आ’को शुन्यता यो चिरीवरी, एउटा माया लाऊँ कि कसो

~भिम बहादुर थापा~ हँसिलो त्यो मुहारसित, भित्र ब्याथा थुन्छ्यौ के थाहा भेट्दा मुस्कान ओठभरी, निदमा एक्लै रुन्छ्यौ के थाहा ** कहिले गाउँमा, कहिले बेसी, मौका सर्दै टर्दै आयो सौहार्दता बाहिर छरी, दिलमा कालो बुन्छ्यौ के थाहा

~भिम बहादुर थापा~ संझनाको डिलमा खुनी, तिम्रै छायाँ लुकेर गो रञ्जनाको राग थुनी, थुप्रै आँसु सुकेर गो ** अचाक्ली यो पीरको पिरो, रसादीले मेट्ला के र प्रतिक्षाको पाल मुनि, थुप्रै वाचा झुकेर गो

~भिम बहादुर थापा~ तिम्रै फेरमा फुल्थें सँधै, शत्रु आज ठान्यौ किन भावनामा भिजी आ’को दिलमा ढुङ्गा हान्यौ किन ** बुझ्झकीको बहाना त्यो, आँखै अघि अल्झियो कि खै विश्वासभित्र बल्दो माया, विवादभित्र तान्यौ किन

~भिम बहादुर थापा~ कोसँग, खोल्यौ के बुझिन बैंशमा पोल्यौ के बुझिन ** सार्थें कि सपनी तिमीलाई घमण्ड घोल्यौ के बुझिन

~भिम बहादुर थापा~ मखलेलमा मेवा जस्तो खान्छौ कति मेरो देशलाई तिम्रै बाऊको पेवा जस्तो ठान्छौ कति मेरो देशलाई ** आशै-आश बक्रबास भो कानून छैन वशमा कतै सन्की तालमा सुर्किनीले बान्छौ कति मेरो देशलाई

~भिम बहादुर थापा~ चारै दिशा न्यानो रापले, दिलैभरी कपी आएँ विपनीकै सपनीमा, तिम्रै नाम जपी आएँ ** अड्को-पड्को थाँती राखी, मोहनीले माया कस्दा के थ्यो कुन्नी तिमीभित्र, यत्रो हण्डर् खपी आएँ

~भिम बहादुर थापा~ ढाँट्नु, छल्नु, इलम भैगो पारे दिउँसै यीनले राती देश थोत्र्याउने बेइमान नेता बाँच्नु भन्दा मर्नै जाती ** लाजको लर्को पचेपछि, ईज्जत भए पो बेईज्जत हुन्थ्यो खोली शाखा, छली आँखा, लुच्छन् यीनले देशको छाती

~भिम बहादुर थापा~ दिन् दुगुना रात् चौगुना, विवश लाज ढाक्दो छ मेरो देश विश्वास् मरेर जन् माथि, भगवान् भाक्दो छ मेरो देश ** कलङ्क कैयन् भरेर, आमाको छाती चर्काएपछि अचाक्ली व्याथा बोकेर, भत्भती पाक्दो छ मेरो देश

~भिम बहादुर थापा~ विशाल त्यो गरेको देखिनौ तिम्लाई म मरेको देखिनौ ** के को रीस पाल्यौ ए भैरवी वाचा यहाँ झरेको देखिनौ

~भिम बहादुर थापा~ दिउँसै राती गर्दै भाँती, बोलेरै याँ खायौ जेठा भित्र के थ्यो बाहिर जे थ्यो, खोलेरै याँ खायौ जेठा ** गुलियो गाँस्दै झुठो बाँड्ने, बर्षौं भयो देख्दै आ’को संग्राम बेरी रंग फेरी, टोलेरै याँ खायौ जेठा