~भीम विराग~
मागेर पाइन्न माया खोसेर पाइँदैन
व्यापार हैन माया किनेर पाइँदैन
छ मिल्ने प्रयत्न जारी उज्यालो अँध्यारोको
अनायास पाइन्छ माया प्रयासले पाइँदैन
लहरले छोएको हुन्न गहिराइलाई कहिल्यै
स्पर्छ बिनाको यस्तो समर्पण पाइँदैन
हृदयसँग यो हृदयको सम्झौता हो माया
जोडिए त तोडिँदैन, तोडिए त जोडिँदैन
मान या नमान कर छैन कसैलाई
लेखेको पाइन्छ रे देखेको पाइँदैन
स्वर, सङ्गीत, शब्द : भीम विराग
एल्बम : दुखेको मुटु
