~रिजाल किरण “अन्जान”~
घर दैलोमा नाच्दै होली आएकिछिन्
यिनलाई हामीले राम्ररी स्वागत गर्नु पर्छ
राम्रो सगँ मेजमानी गर्नु पर्छ
सके रानी बनाएर भित्र्याउनु पर्छ
नसके ठररा बोतलका बोतल नुहाएर स्वागत गर्नु पर्छ
त्यतिले पनि नपुगे गनाउने नाला माथि
लमतन्न बनेर शवाशनमा सुत्नु पर्छ
यसरी नै उनलाई (होली) स्वागत गर्नु पर्छ ।
यिनलाई त धतुरो भाङ्ग्ले स्वागत गर्नु पर्छ
बेस्सरी मातेर तथानाम बडबडाउनु पर्छ
छिमेकिका झयालका सिसा फोर्नु पर्छ
बाटामा हिडेका महिला केटिलाई
डडाल्नो मनतिर बेस्सरी लोला नहान्नुन् जेल
यिनलाई मज्जाले स्वागत हुदैन
यतिले पनि स्वागत नभएको महसुस भएमा
साथी हो गोबरले एकाआपसमा छ्याप्नु पर्छ
अझै पनि खल्लो खल्लो झै लागे
आफै कनिकनी निकालेर एकार्काको मुखभरी
लेप्नु पर्छ
यति पनि नगरेमा हाम्रो होली
संस्कारको अवहेलना ठहर्छ
हामी जंगली अशिक्षित ठहरिन्छौ
पुर्खालाई चिनाउने बाटो हुदैन
हाम्रो छिमेकीले पनि गर्न नसकेको
होलीलाई दुई चोक्टा बनायौ ।
यसरी छिमेकी खुसी बनाउनु पर्छ
चाहे हाम्रो पार्मपारिक होली
भाडमा नै जाओस् ।
-विराटनगर -१
किरण रिजाल’अन्जान’
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
