~बालकृष्ण शम~
क्यै जितेझैँ क्यै सम्झेँझैँ
को त्यो पथमा गाइरहेको ?
मानिसजस्तै सुरु-सुरु हिँड्दै
सवलताले ती निखन्दै
को त्यो पथमा गाइरहेको ?
दुइटा खम्बा बलियो भित्ता
भित्तामास्तिर एउटा छाना
राखी, यो हो आलय भन्दै
पुस्तकहरूले तानिरहेझैँ
को त्यो पथमा गाइरहेको ?
झुट नचिन्ने सत्य अँगाल्ने
चढ्दै मस्तिर म गिरँे भन्ने
वातावरण नै दूषित पार्ने
वरपर हेरी अड्नु नसक्ने
को त्यो पथमा गाइरहेको ?
आकृति हो तर रूप अनुप
भाषा हो तर भाव अपूर्व
मान्छे हो तर आत्मा उच्च
चारैतिरको मुक्त विचार
यो तेरो प्रतिविम्ब उडेको ।
कवि सिद्धिचरणको ‘मेरो प्रतिविम्ब’ प्रति
