~अनुपम थामी ‘अनुपम’~
छातिको अनन्त गहिराईमा
आमाको माया डुबाएर
यात्रामा हिंड्दै गरेकी
एक अथक छोरीलाई
केही नरपशुहरूले
जिउँदै चिथोरेर
कोपरेर
लुक्षेर फालेपछि
विशाल-वृहत
मानवसागरको बीचबाट
उम्रीएकी न्यायको सीमास्तम्भ
अपराध र न्याय बीचको
दुधको दुध
पानीको पानी छुट्टयाउने
लौहवक्ता उभिएपछी
नरपशुहरू चढेकाछन
फाँसीको तख्तामा
र
बसेको छ नजिर
फेरि बौरिएकीछन चिहानबाट
काल बनेर निर्भया
20/03/2020 पराईभूमी
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
