~प्रा डा नन्द बहादुर सिंह~
अघि बढौं आउ साथी नमानेर हार
कर्णालीको पानी जस्तै बनौ सदाबहार ।
किन हामी सधै भरी मागी मागी हिँड्ने
कर्णालीमै सुन फल्छ संसारले किन्ने ।
कर्णालीमा दिव्यज्ञान फैलाएर छाेडौं
निराशा र स्वार्थीपनको इतिहासलाई तोडौं ।
सधै भरी हुन्न साथी कुपमन्डुक बन्न
अन्धकारमा जन्मिएर अन्धकारमै मर्न ।
एउटै बनाउ नीति-नियम एउटै अधिकार
हुन्न साथी स्वार्थी बनी लड्न बारम्बार ।
हिमालको गर्भभित्र सभ्यताको बाली
सुक्न दिनु हुन्न साथी उर्वशीको लाली ।
(स्रोत : रारापाटी डट कम )
