~रिजाल किरण~
बहर : मुतकारिब मुसम्मन सालिम
जता हेर्छु मैले बबन्डर बबन्डर
कतै शान्ति छैन पिएकोछु हन्डर ।
बनेको छ प्यासा यहाँ आफ्नो आफै
खोजी दाउ हान्ने लुकेकोछ खन्जर ।
मिलि भाग खाने रहेको जमात
कतै मूल छैनन् रह्यो आज बन्जर ।
छ नाता समुन्द्र पुर्याउनै छ ब्यस्त
बिगतका र यिनमा भयो दूर अन्तर ।
पोत्यो गन्दगीले शहरमा तुवाँलो
देखाउनु छ संसार पखालेर सुन्दर ।
-किरण रिजाल’अन्जान’
ठेगाना :-विराटनगर -१
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
