~रुपिन्द्र प्रभावी ‘कटु’~
अचानोको पीर खुकुरीलाई के थाहा ?
झुपदीको पीर त्यो हुरीलाई के थाहा ?
आफन्ताको भीडमा पनि एक्लै भएजस्तो
बाआमाको माया टुहुरीलाई के थाहा ?
यता जाऊं उता जाऊँ व्यस्तताको जञ्लालमात्रै
फुर्सद भन्ने कस्तो हुन्छ आतुरीलाई के थाहा ?
मुटु घोच्ने तीर अनि शूलको डसाइ
मनाई छिया छिया पार्ने छुरीलाई के थाहा ?
पसिनाको कमाइमा बाँच्नु गौरव लाग्छ
दु:ख भन्ने जाँगरिलो पाखुरीलाई के थाहा ?
– समिभञ्ज्याङ्ग–५,लमजुङ
हालः पोखरा
(स्रोत : रचनाकारको ब्लगबाट सभार)
