~स्वप्नील स्मृति~
त्यसो त दरबारमा-
धेरैपटक मरिसकेका हुन्छन् जङ् ग ब हा दु र ह रू ।
जङगबहादुरहरू
अस्पतालमा मर्छन् पटकपटक
बाँचुलाझैँ गर्छन् मृत्यूशैय्याहरू समेत
फेरि कहिल्यै मर्दैनन् अस्पतालमा बिरामीहरू ।
जङबहादुरहरू
अखबारमा मर्छन् दोस्रोपटक
आयु थपिए झैँ चम्चमाउँछन् पाठकका आँखाहरू ।
जङबहादुरहरू
इतिहासमा मर्छन् अन्तिमपटक
काला पन्नाहरु पल्टाएर कालखण्डहरू
छक्क पर्छन् विद्यार्थीहरू –
किन जन्मिरहन्छन् हँ नयाँ जङ् ग ब हा दु र ह रू ।
– पाँचथर स्याबरुम्बा,
हाल: ललितपुर, नेपाल
(कवि स्वप्नील स्मृतीको “रङ्गै रङ्गको भीर” कविता संग्रहबाट साभार)
