~बली सुब्बा ‘बसन्त’~
हो साथी,
म माटो बोल्दैछु
म धुलो हुँ – प्राण बोकेर कराउँदैछु
रमाउँदैछु रंगमंचमा सजिन पाउँदा
तर पालो पर्खँदेछु चिहाने डाँडामा
अन्त म चिहान बोल्दैछु
मसानहरू साथ लिएर
मेरो जिउँदो आत्मा क्रमश: प्रेत आत्मामा
बदलाएर मध्य दिनमा
हो मध्य दिनमा तर्साउन लागेकोछु ।
हो साथी,
म खरानी बोल्दैछु
उग्र इच्छा थुपारेर बगरमाथि
म नदीको किनार बोल्दैछु
नव-युग आभासको क्रान्ति बीज साथ लिएर
म बिस्फोट सजिँदैछु
म माटो बोल्दैछु
– सिक्किम, भारत
