गजल : लेखिदैछ सपना

~सुरेन्द्र थेगिम~

जो-जो जँहा भएपनि लेखिदैछ सपना
आँखा खुल्लै राखेपनि देखिदैछ सपना

सुक्खा मरुभूमिमा भेडा चराऊदै गर्दा
पसिनाको थोपामा नि भेटिदैछ सपना

दुखद खबर आउँछ परदेशबाट
ठूला-ठूला मेशिनमा चेपिदैछ सपना

बिनाशुल्क देख्न मिल्ने भएरपनि होला
अचेल तातो घाममा सेकिदैछ सपना

अब कहिल्यै पनि देखिदैन होला फेरी
आज बाट सधैँलाई छेकिदैछ सपना

(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )