~अनुपम ‘नवोदित’~
ए ! देशेमीपाली
आट्ठे आरीको फान्दु
कुता होइ माचिइनिस्दु
आट्ठे असबापको
कोरोना भाइरस राहान
का भाइरसए
सारा देशेमीपालीकाई
लोङ्से दुङ-दुङ्ङा
आक्रमण नोङ्तोले
कोलाहल-कोलाहल थाहान
आट्ठे आहे-आहे मीपाली सियङान
त्याङ
बल्ला-बल्ला नेम दुङ्ङा बियङान
त्यै थाताले बे
नि होइ आट्ठे नै लापरबाही मायासिको
जथाभावी माचावाको
साबुन पाङ्कुए लाक जेक्सिको
खेनङा मास्क बुसिको
उगो चिङाते लाके माथिको
माङ चिसो मानाको
गरम पाङ्कु तुन्को
अमलाङा, पाङ्पाली च्याको
झरी युदु बेरेङ माफोसिको
निथेको स्वास्थ्य भुन्दा जेखा
हारावै माथा
स्वास्थ्य बनेलादु थाहान्या
निथे बनेलादु थाइदु
निथे बनेलादु थाईन्या पो
देश बनेलादु थादु
कोरोनाकाई परास्त नोङ्सा
बलियो थाताले
होसीजासी थाको
कालिन्चोक गाउँ पालिका,
लापिलाङ दोलखा ।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
